Loading map...
Legg til ditt andelslandbruk

Anda andelsgard

graphics
Brekkevegen 5
4353 Klepp stasjon
graphics
Grønsaker og urter
post@​anda-andel.no
graphics
Nettside
Anda andelsgard
97197462

Fortsatt ledige plasser for 2021! Anda andelsgard ligg på eit småbruk sentralt på Klepp stasjon i Klepp kommune. Andelsgarden har matbutikken som næraste nabo, jernbanestasjonen 400 meter unna og ein busstopp rett i nærleiken. På ein halvtime kan du reisa hit kollektivt frå Stavanger i nord eller frå Ogna i sør. Bli med!

Storleiken på gardsbruka på Jæren har vakse i takt med den materielle velstanden. Få eller ingen lever i dag av ein såpass liten bit av Jærens rike matfat som garden vår.
I takt med velstandsauken der me kan kjøpa det me treng av mat på butikken, aukar avstanden til jorda og dei som produserer maten. Kanskje er det nokon som ønskjer å minka denne avstanden, nokon andre enn oss som ønskjer å kjenna mold mellom fingrane, som vil gle seg over det som spirer og gror og som vil sjå kor maten kjem frå. Kan fleire få meir nærkontakt med og glede av den gode matjorda vår?
Våren 2021 startar Anda andelsgard opp. Dei fleste andelslandbruk driv etter økologiske prinsipp, noko me også vil gjera. Andelsgarden vår er organisert som eit einmannsføretak der me som eigarar har hovudansvaret for drifta. På våren kallar me inn til eit årleg møte der me går gjennom rekneskap for førre år og budsjett for komande år. Andelshavarane kan også koma med ønskje og tips til kva me saman skal dyrka det neste året. Me gler oss til å få med deg på laget!

Rediger din gårdsprofil